Memlekettik hatshy Qyrymbek Kósherbaevtyń tóraǵalyǵymen onlain formatta ádebiet jáne óner salasy boiynsha 2020 jylǵy Qazaqstan Respýblikasynyń Abai atyndaǵy memlekettik syilyǵyn berý jónindegi komissiianyń qorytyndy otyrysy ótti, dep habarlaidy Aqordanyń baspasóz qyzmeti.
Komissiia otyrysynda ádebiet, kino, teatr, mýzyka, sáýlet jáne beineleý óneri salalary boiynsha baiqaýdyń ekinshi kezeńine ótken 11 jumys qaraldy.
Otandyq shyǵarmashylyq ziialy qaýym ókilderinen qurylǵan Komissiia músheleri konkýrstyń ekinshi kezeńine ótken shyǵarmalardyń qoǵamda talqylaný barysy jónindegi Mádeniet jáne sport ministri A.Raiymqulovanyń aqparatyn tyńdady.
Komissiia jasyryn daýys berý arqyly ádebiet jáne óner salasy boiynsha 2020 jylǵy Qazaqstan Respýblikasynyń Abai atyndaǵy memlekettik syilyǵyn ielenetin úmitkerlerdi anyqtady. Olardyń tizimi Memleket basshysynyń qaraýyna usynylatyn bolady.
Dástúr boiynsha Memlekettik syilyqtyń iegerlerin marapattaý rásimi Táýelsizdik kúni qarsańynda ótedi.
