Foto: QR MAM
2025 jyldyń 3 mamyry kúni Abai atyndaǵy Qazaq ulttyq opera jáne balet teatrynda Petr Chaikovskiidiń mereitoiyna arnalǵan Gala-kontsert ótti. Teatr sahnasynda kompozitor týyndylaryn operanyń jetekshi solisteri, simfoniialyq orkestr men hor súiemelimen shyrqady, dep habarlaidy Ult.kz.
Osy keshte kórermen «Pikovaia dama», «Evgenii Onegin», «Iolanta», «Charodeika» operalarynan ariialar, kórinister men dýetter, «Moskva» kantatasyndaǵy jaýyngerdiń ariozosyn jáne balet klassikasynan úzindiler tyńdady. Keshti Qazaqstannyń eńbek sińirgen qairatkeri Nurjan Baibosynov dirijerlik etti.
Foto: QR MAM
Kontsertke Qazaqstannyń halyq ártisi Jámilá Baspaqova, QR eńbek sińirgen qairatkeri Gúlzat Daýrbaeva, Dina Hamzina, Oleg Tatamirov, teatrdyń jetekshi opera solisteri, simfoniialyq orkestr men hor qatysty.
2025 jyly kórnekti kompozitor, pedagog, dirijer Petr Chaikovskiidiń týǵanyna 185 jyl tolady. Ol kózi tirisinde-aq álemdegi eń tanymal ári kórshiliktiń yqylasyna bólengen kompozitorǵa ainaldy. Álemdik mýzyka tarihynda Chaikovskiidiń esimi on opera, úsh balet, jeti simfoniia, kameralyq jáne shirkeý mýzykasy, romans, kontsertter men siýitterdiń avtory retinde máńgilikke qalady.
Foto: QR MAM
