Qazaqstan Respýblikasynyń Abai atyndaǵy ádebiet pen óner salasyndaǵy memlekettik syilyǵyn berý jónindegi komissiia 2020 jylǵy Qazaqstan Respýblikasynyń Abai atyndaǵy ádebiet pen óner salasyndaǵy memlekettik syilyǵyna konkýrs jariialady, dep habarlaidy "Ult aqparat".
Qazaqstan Respýblikasynyń Abai atyndaǵy ádebiet pen óner salasyndaǵy memlekettik syilyǵyna (budan ári – Abai atyndaǵy memlekettik syilyq) úmitkerlerdi usyný tártibi «Qazaqstan Respýblikasynyń ál-Farabi atyndaǵy ǵylym men tehnika salasyndaǵy jáne Abai atyndaǵy ádebiet pen óner salasyndaǵy memlekettik syilyqtary týraly» Qazaqstan Respýblikasy Prezidentiniń 2015 jylǵy 21 qańtardaǵy № 993 Jarlyǵymen rettelgen.
Abai atyndaǵy memlekettik syilyq Qazaqstan Respýblikasynyń azamattaryna jáne sheteldikterge Qazaqstan mádenietiniń damýyna erekshe baǵaly úles dep tanylǵan ádebiet pen óner salasyndaǵy asa úzdik shyǵarmalary úshin beriledi.
Abai atyndaǵy memlekettik syilyqqa usynylǵan ujymdaǵy úmitkerlerdiń sany 5 adamnan aspaýy tiis, izdenýshiler ujymyna jumysty oryndaý protsesinde tek ákimshilik jáne/nemese uiymdastyrý fýnktsiialaryn júzege asyrǵan tulǵalardy qosýǵa jol berilmeidi.
Jumys Abai atyndaǵy memlekettik syilyqqa bir ret qana usynyla alady.
Bir avtor nemese avtorlar ujymy Abai atyndaǵy memlekettik syilyqqa qatarynan eki ret usynyla almaidy.
Buryn Qazaqstan Respýblikasynyń syilyqtaryna ie bolǵan jumystar Abai atyndaǵy memlekettik syilyqty alý konkýrsyna jiberilmeidi.
Abai atyndaǵy memlekettik syilyqqa osy syilyqtyń laýreatyna jańa jetistigi úshin qaitadan berilýi múmkin, biraq kórsetilgen syilyq aldyńǵy berilgeninen keiin bes jyldan erte bolmaidy.
Tulǵa Abai atyndaǵy memlekettik syilyqqa usynylǵannan keiin qaitys bolǵan jaǵdaida, laýreattyń diplomy, tósbelgisi men aqshalai syiaqysy Qazaqstan Respýblikasynyń zańnamasynda belgilengen tártippen mura boiynsha beriledi.
Jumystardy Abai atyndaǵy memlekettik syilyq alýǵa usynýdy memlekettik organdardyń alqalary, shyǵarmashylyq odaqtar men ujymdar júrgizedi.
Abai atyndaǵy memlekettik syilyqqa jumystardy qabyldaý aiaqtalǵanǵa deiin bes jyldan aspaityn ýaqytta jáne keminde bir jyl buryn (2020 jyldyń 1 naýryzyna deiin) kópshilik ainalym úshin oryndalǵan bir avtordyń nemese avtorlar ujymynyń jumystary (bir jumys) usynyla alady.
Abai atyndaǵy memlekettik syilyqqa ÓTINIMDERDI QABYLDAÝ 2020 jyly Qazaqstan Respýblikasynyń barlyq aýmaǵynda tótenshe jaǵdai men karantin engizilýine bailanysty 2020 jyldyń 1-30 sáýiri aralyǵynda elektrondyq formatta iske asyrylady.
JUMYSTAR (kitaptar, notalyq jazbalar, beineleý óneri týyndylarynyń ónimderi, sáýlet óneriniń shema-syzbalary, ǵimarattardyń, keshenderdiń t.b. fotosýretteri, kinofilmder men spektaklderden beinetaspalar nemese fotokórinister, kontserttik qoiylymdar men oryndaýshylyq ónerdiń beine nemese aýdio-taspalary) karantin aiaqtalǵan kúnnen bastap 2020 jyldyń 1 maýsymyna deiin qabyldanady.
Abai atyndaǵy memlekettik syilyqqa úmitker avtorlar, olardyń konkýrsqa usynǵan eńbekteriniń tizimderi jáne úmitkerlerdi usynyp otyrǵan uiymdardyń attary ashyq jariialylyq túrde keńinen talqylaný maqsatynda respýblikalyq buqaralyq aqparat quraldarynda jariialanady.
2020 jylǵy Abai atyndaǵy memlekettik syilyqty berý jónindegi sheshim baspasóz betterinde jariialanady.
Usynylǵan eńbekterdi tirkeý úshin myna qujattar qajet:
- Memlekettik organnyń nemese shyǵarmashylyq odaqtyń usynysy.
- Jinalys hattamasy.
- Shyǵarmashylyq minezdeme.
- Úmitkerdiń jeke is qaǵazy.
- 2 dana sýreti (3*4).
- Usynylǵan eńbektiń 30 danasy.
- Tulǵany rastaityn qujattyń kóshirmesi (jeke kýálik nemese tólqujat).
- Shyǵarmanyń avtory jáne shyǵarma jóninde qysqasha naqty málimet (memlekettik jáne resmi (orys) tilderinde).
- Sáýlet óneri týyndylary boiynsha ǵimarattardyń, keshenderdiń óndiriske engizilýin jáne avtorlyq quqyqty rastaityn qujattar qosa tirkelýi tiis.
6-shy pýnktke bailanysty túsinikteme.
Kitaptar, notalyq jazbalar, beineleý óneri týyndylarynyń ónimderi, sáýlet óneriniń shema-syzbalary, ǵimarattardyń, keshenderdiń t.b. fotosýretteri, kinofilmder men spektaklderden beinetaspalar nemese fotokórinister, kontserttik qoiylymdar men oryndaýshylyq ónerdiń beine nemese aýdio-taspalary 30 dana etip usynylady.
Abai atyndaǵy memlekettik syilyqqa usynylatyn eńbekter jáne tiisti qujattar myna meken-jaida qabyldanady:
010000, Nur-Sultan qalasy, Máńgilik El dańǵyly, 8-úi, «Ministrlikter úii» ǵimaraty, 15-kireberis, 263, 525-bólmeler, Qazaqstan Respýblikasy Mádeniet jáne sport ministrligi, comcult_@mail.ru, tel.: 8 (7172) 74-04-75, G.S. Myrzasheva 8 701 218 73 40
