Elordalyq evrei, qyrǵyz, nemis jáne slavian etnomádeni ortalyqtary da chellendjge qatysty, dep habarlaidy Nur-Sultan qalasy ákimdiginiń resmi saity.
Qazaqstan halqynyń birligi kúnine orai, Abai Qunanbaevtyń shyǵarmashylyq murasyn nasihattaý jáne tanytý, sondai-aq, etnosaralyq tatýlyqty nyǵaitý maqsatynda QHA qalalyq hatshylyǵy uiymdastyrǵan chellendjdi birden tórt etnomádeni ortalyq qoldady. Atalmysh sharalar qazaqtyń uly oishylynyń 175 jyldyǵyn toilaý aiasynda #Abai175, #1MAMYR #Birlikkuni, #BizBirgemiz heshtegteri boiynsha ótedi.
Esterińizge sala keteiik, ózbek etnomádeni ortalyǵynyń ókilderi alǵash bolyp chellendjge qoldaý bildirdi. Olar Abaidyń «Kózimniń qarasy» ánin qazaq tilinde ózbek ulttyq mýzykalyq aspaby rýbobtyń súiemeldeýimen oryndady. Keiin evrei, qyrǵyz, nemis jáne slavian etnomádeni ortalyqtary da chellendjdi qoldap, Abaidyń belgili ánin slavian prima domrasynyń, qyrǵyz qomyzynyń súiemeldeýimen oryndaldy. Domra – orys, ýkrain jáne belorýs halyqtarynyń ishekti mýzykalyq aspaby. Aspapty XVI-XVII ǵasyrlarda Reseilik ónerpazdar keńinen qoldanyp, 1896 jyldan bastap qazirgi zamanǵy domranyń kórinisin aldy. Qomyz – qyrǵyz halqynyń sherpeli mýzykalyq aspaby. Dombyraǵa uqsas, jińishke moiny bar. Bul aspaptyń alǵashqy sipattamalaryn Syma Tsziannyń (b.z.d. 201) jazbalarynda kezdestirýge bolady. Jyl saiyn elordada Qazaqstan halqynyń birligi kúnine orai túrli kontsertter, aýqymdy aktsiialar men merekelik sharalar ótedi. Alaida biyl Nur-Sultan qalasynda koronavirýs infektsiiasy saldarynan karantin jariialanǵandyqtan, merekelik sharalardyń formatyn ózgertý týraly sheshim qabyldandy. Is-sharalardy onlain rejimde ótkizýge erekshe nazar aýdarylyp otyr.
Búginde elordada 130-dan astam ózge ult ókilderi turady. Qalada 23 etnomádeni birlestik, 12 jeksenbilik mektep jumys isteidi jáne olardyń sany jyl saiyn artýda. QHA qalalyq hatshylyǵy elorda turǵyndaryn aktsiiaǵa belsendi qatysyp, ár halyqtyń mýzykalyq aspaptaryn bilip, tarihymen tanysýǵa jáne Abaidyń ánin birlese oryndaýǵa shaqyrady. Qazaqstan Respýblikasynyń Tuńǵysh Prezidenti, Qazaqstan halqy Assambleiasynyń Tóraǵasy N.Á. Nazarbaevtyń tóraǵalyǵymen elimizde Qazaqstan halqy Assambleiasynyń 25 jyldyǵyna arnalǵan sharalar ótýde.
