Sybailas jemqorlyqqa qarsy is-qimyl agenttigi Oqýshylar arasynda «Parasat saǵaty» respýblikalyq aktsiiasyn ótkizedi, dep habarlaidy "Ult aqparat".
Osy jyldyń 18 mamyrynda dástúrli «Parasat saǵaty» kezdesýi onlain formatta ótkiziledi.
«Abai Qunanbaevtyń 175 jyldyǵyn eskere otyryp, «Parasat - uly Abaidyń murasy» taqyrybynda onlain dáris ótedi. Dáris óskeleń urpaqty adal jáne parasatty bolýǵa shaqyrǵan uly oishylǵa arnalǵan. Osy aktsiiaǵa elimizdiń 9-11 synyp oqýshylary jáne joǵary oqý oryndary men kolledjderdiń birinshi kýrs stýdentteri qatysady», - delingen agenttiktiń baspasóz habarlamasynda.
«Parasat - uly Abaidyń murasy» onlain dárisi «Elarna» jáne «Balapan» arnalarynda, Youtube kanalda, sondai-aq, agenttiktiń jáne onyń aýmaqtyq departamentteriniń, «Adaldyq alańy» jobalyq keńseleriniń áleýmettik jelisinde taratylady.
