Dáýren Abaev mádeniet jáne sport ministrliginiń basshysy laýazymyna taǵaiyndalýyna qatysty pikir bildirdi, - dep habarlaidy Tengrinews.kz.
Vedomstvo basshysy "óz qyzmetine qatysty baǵa berý qiyn" ekenin aitty.
"Prezident sheshim qabyldady. Meniń oiymsha, basshylyq qasietter áser etken shyǵar. Barlyq salada birdei emespin. Sondyqtan da paidaly shyǵarmyn", - dep túsindirdi Abaev.
Sonymen qatar, Dáýren Abaev buǵan deiingi mádeniet jáne sport ministrleriniń árqaisysy osy salanyń damýyna "eleýli úles qosqanyn" aitty.
"Aqtoty Rahmetollaqyzynyń ǵana emes, burynǵy ministrlerdiń de bul salada úlken jumysy bar. Olardyń árqaisysy óz ýaqytynda mádeniet, sport jáne týrizmdi damytýǵa eleýli úles qosty. Árine, barlyq problemany birden sheshý múmkin emes. Problemalar áli de bar, biraq kóp nárse jasaldy. Biz únemi problemalar týraly aityp júrmiz, biraq Nur-Sultan mádeni jaǵynan qalai óskenin elestetip kórińiz. Qýanyshbaev teatryna qarasańyz, qandai zamanaýi, "Astana Opera", horeografiia akademiiasy. Keiingi on jyl ishinde Nur-Sultanda salynǵan ǵimarattardyń álemde balamasy joq. Birli-jarym salynyp jatyr, biraq, meniń oiymsha, bir mezette salynǵany úshin keler urpaq tek alǵys aitady", - dep tolyqtyrdy mádeniet jáne sport ministri.
Buǵan deiin Dáýren Abaev Prezident ákimshiligi basshysynyń birinshi orynbasary qyzmetin atqarǵan bolatyn. 2022 jylǵy 11 qańtardan bastap Qazaqstannyń mádeniet jáne sport ministri bolyp jumys isteidi.
