دەۋرەن اباەۆ مەدەنيەت جەنە سپورت مينيسترلٸگٸنٸڭ باسشىسى لاۋازىمىنا تاعايىندالۋىنا قاتىستى پٸكٸر بٸلدٸردٸ, - دەپ حابارلايدى Tengrinews.kz.
ۆەدومستۆو باسشىسى "ٶز قىزمەتٸنە قاتىستى باعا بەرۋ قيىن" ەكەنٸن ايتتى.
"پرەزيدەنت شەشٸم قابىلدادى. مەنٸڭ ويىمشا, باسشىلىق قاسيەتتەر ەسەر ەتكەن شىعار. بارلىق سالادا بٸردەي ەمەسپٸن. سوندىقتان دا پايدالى شىعارمىن", - دەپ تٷسٸندٸردٸ اباەۆ.
سونىمەن قاتار, دەۋرەن اباەۆ بۇعان دەيٸنگٸ مەدەنيەت جەنە سپورت مينيسترلەرٸنٸڭ ەرقايسىسى وسى سالانىڭ دامۋىنا "ەلەۋلٸ ٷلەس قوسقانىن" ايتتى.
"اقتوتى راحمەتوللاقىزىنىڭ عانا ەمەس, بۇرىنعى مينيسترلەردٸڭ دە بۇل سالادا ٷلكەن جۇمىسى بار. ولاردىڭ ەرقايسىسى ٶز ۋاقىتىندا مەدەنيەت, سپورت جەنە تۋريزمدٸ دامىتۋعا ەلەۋلٸ ٷلەس قوستى. ەرينە, بارلىق پروبلەمانى بٸردەن شەشۋ مٷمكٸن ەمەس. پروبلەمالار ەلٸ دە بار, بٸراق كٶپ نەرسە جاسالدى. بٸز ٷنەمٸ پروبلەمالار تۋرالى ايتىپ جٷرمٸز, بٸراق نۇر-سۇلتان مەدەني جاعىنان قالاي ٶسكەنٸن ەلەستەتٸپ كٶرٸڭٸز. قۋانىشباەۆ تەاترىنا قاراساڭىز, قانداي زاماناۋي, "استانا وپەرا", حورەوگرافييا اكادەميياسى. كەيٸنگٸ ون جىل ٸشٸندە نۇر-سۇلتاندا سالىنعان عيماراتتاردىڭ ەلەمدە بالاماسى جوق. بٸرلٸ-جارىم سالىنىپ جاتىر, بٸراق, مەنٸڭ ويىمشا, بٸر مەزەتتە سالىنعانى ٷشٸن كەلەر ۇرپاق تەك العىس ايتادى", - دەپ تولىقتىردى مەدەنيەت جەنە سپورت مينيسترٸ.
بۇعان دەيٸن دەۋرەن اباەۆ پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى قىزمەتٸن اتقارعان بولاتىن. 2022 جىلعى 11 قاڭتاردان باستاپ قازاقستاننىڭ مەدەنيەت جەنە سپورت مينيسترٸ بولىپ جۇمىس ٸستەيدٸ.
