Aqparat jáne kommýnikatsiialar ministrligi VVS korporatsiiasymen memorandým jasasty, dep habarlaidy "Ult aqparat" ministrliktiń baspasóz qyzmetine silteme jasap.
Qazaqstan Respýblikasy Aqparat jáne kommýnikatsiialar ministri Dáýren Abaev Ulybritaniia men Soltústik Irlandiianyń birikken koroldigine jumys sapary barysynda VVS Worldwide basshylary Shon O Hara jáne Sergei Stanovkinmen kezdesti.
Taraptar ekijaqty yntymaqtastyqtyń bolashaǵy men birlesken jobalardy júzege asyrý múmkindigin talqylady.
Kezdesý nátijesinde Qazaqstan Respýblikasy Aqparat jáne kommýnikatsiialar ministrligi men VVS Worldwide korporatsiiasy arasyndaǵy memorandýmǵa qol qoiyldy.
Memorandým aiasynda redaktsiialyq josparlardy almasýǵa baǵyttalǵan birlesken jobalardy iske asyrý, dóńgelek ústelder ótkizý, ulttyq jáne aimaqtyq BAQ úshin lektsiialar uiymdastyrý, sonymen qatar Qazaqstannyń týristik jáne investitsiialyq áleýetin ilgeriletý josparlanǵan.
Sonymen qatar, memorandýmda negizgi baǵyty tsifrlyq efirlik habar taratýǵa kóshý aiasynda qazaqstandyq telearnalardyń tehnikalyq damýy boiynsha birlesken keńes berýdi júrgizý, aqparat men tájiribe almasý bolyp tabylatyn jumys tobyn qurý qarastyrylady.
Anyqtama retinde: VVS korporatsiiasy 1920 jyly qurylǵan, qazirgi tańda BAQ salasyndaǵy jahandyq kóshbasshy mediakorporatsiialarynyń biri bolyp tabylady.
