Resei Federatsiiasynyń Omby qalasynda Resei men Qazaqstannyń jas kóshbasshylary forýmynyń qorytyndy plenarlyq otyrysy ótti. Oǵan Qazaqstan Respýblikasynyń Aqparat jáne qoǵamdyq damý ministri Dáýren Abaev qatysty, dep habarlaidy "Ult aqparat" ministrliktiń baspasóz qyzmetine silteme jasap.
«Men Resei tarapyna forýmdy jaqsy uiymdastyrǵany úshin alǵys aitqym keledi. Biylǵy jyly qazirgi jáne bolashaq jastar saiasatyna jaqsy negiz qalandy. Ózderińiz biletindei, Qazaqstanda 2019 jyl Jastar jyly bolyp jariialandy. Osy baǵytta Resei tarapy bizdi Qostanaidaǵy forým kezinde jaqsy qoldady. Kelesi jyl «Voloter jyly» dep jariialandy, sondyqtan biz bul yntymaqtastyqty jalǵastyratynymyzǵa senimdimin. Sonymen qatar, bizdiń halyqtarymyz mańyzdy mereitoilyq kúndi - Jeńistiń 75 jyldyǵyn atap ótedi», - dedi ministr jinalǵandarǵa.
Dáýren Abaevtyń aitýynsha, mundai is-sharalar eki eldiń jas kóshbasshylary úshin jas urpaqtyń eń ózekti máseleleri men problemalaryn talqylaýǵa, batyl bastamalar men usynystardy daýystap aitýǵa, óz jobalaryn júzege asyrýda tájiribe almasýǵa tamasha múmkindik bolyp tabylady.
Aita ketý kerek, qorytyndy plenarlyq otyrystyń aiasynda eki el jastarynyń úkimettik emes uiymdary arasynda 7 ekijaqty kelisimge qol qoiyldy.
Budan bólek, eki tarap birqatar birlesken jobalardy, sonyń ishinde voloterlyq is-sharalar tizbesin, Qazaqstan men Reseidegi eriktiler uiymdary jetekshileriniń qatysýymen Volonterlar keńesiniń birinshi sezin, aýyldaǵy kásipkerlikti damytýdyń birlesken baǵdarlamasyn jáne taǵy basqa ortaq jobalardy júzege asyrýǵa niet bildirdi.
Eske sala ketsek, Resei men Qazaqstan jastary kóshbasshylary forýmy alǵash ret ótkizilip otyr. Onda memlekettik organdar men úkimettik emes sektordyń ókilderi, eriktiler, stýdentter, jýrnalister jáne blogerler qaýymy bas qosty. Bul shara eki eldiń XVI aimaqaralyq yntymaqtastyq forýmy aiasynda ótip jatyr. Jastar jiyny eki kúnge sozyldy.
