Elordada ótip jatqan Óńirlik BAQ forýmy barysynda usylǵan óńirlik jýrnalister aliansyn qurý bastamasyna elimizdiń Aqparat jáne kommýnikatsiialar ministri Dáýren Abaev qoldaý bildirdi, dep habarlaidy QazAqparat.
«Dáýren Áskerbekuly, ózińiz atap ótkendei, Qazaqstannyń media-naryǵynyń 70 paiyzyn óńirlik BAQ quraidy. Búgingi tańda Qazaqstannyń media-naryǵynda Ulttyq teleradio habarlaryn taratýshylar qaýymdastyǵy syndy kóptegen qoǵamdyq BAQ uiymdary bar. Biraq olardyń baǵyttary óte tar, birde-bir óńirlik BAQ-ty qamtymaidy. Iaǵni, olardy qorǵamaidy, múddelerin ilgeriletpeidi. Osyǵan orai mende mynadai usynys bar. Siz óńirlik BAQ-tyń múddesin qorǵaityn jańa alians qurý ideiasyna qalai qaraisyz?», - dep surady «Almaty» telearnasynyń bas direktory Álibek Áldenei Aqparat jáne kommýnikatsiialar ministrinen.
Óz kezeginde ministr bul bastamaǵa tolyqtai qoldaý bildirdi. «Iá, mundai alians kerek dep oilaimyn. Óńirlik jýrnalister aliansyn qurý usynysyn tolyqtai qoldaýǵa bolady. Buǵan qosa, shynymen de memlekettik tapsyrys aiasynda ázirlenetin kontenttermen almasatyn ýaqyt jetti. Biz bul kontentterdi óńirlerge berýge daiynbyz. Bul ásirese óńirlik telearnalar úshin barynsha mańyzdy bolar edi», - dedi Abaev.
