Memlekettiń zańnamanysyna qaishy keletin saittardy anyqtaýǵa táýlik boiy monitoring júrgizilip jatyr. Bul týraly Májiliste QR Aqparat jáne kommýnikatsiialar ministri Dáýren Abaev málim etti, dep habarlaidy QazAqparat.
Májilis depýtaty Káribai Musyrman ministrden teris mazmundaǵy saittarǵa tyiym salý sharalary týraly surady.
«Memlekettiń zańnamasyna qaishy keletin saittardyń barlyǵyn jaýyp jatyrmyz. Iaǵni myńdaǵan saittyń jumysyn toqtattyq, sondai-aq áleýmettik jelilerdegi pablikterdi japtyq. Osydan eki-úsh ai buryn balalardy sýitsidke itermeleitin saitar men pablikter paida bolǵan kezde tiisti sharalardy qoldandyq», - dep toqtaldy ministr.
Osy oraida Abaev ministrliktiń saityna turǵyndardy tolǵandyrǵan máseleler boiynsha tiisti siltemelerdi jiberse, qajetti tekserýler mindetti túrde júrgiziletinin atap ótti.
«Myńdap japqanymyzben, ókinishke qarai ondai saittar myńdap ashylyp jatyr. Bul protsesti toqtatý óte qiyn, biraq osy jumystar aiasynda táýlik boiy arnaiy monitoring júrgizemiz»,-dedi vedomstvo basshysy.
Aita keteiik, Májiliste «Qazaqstan Respýblikasynyń keibir zańnamalyq aktilerine aqparat jáne kommýnikatsiialar máseleleri boiynsha ózgerister men tolyqtyrýlar engizý týraly» zań jobasy tanystyryldy. Zań jobasy aiasynda 4 kodeks pen 12 zań jobasyna 200-den astam túzetýler enigizý josparlanyp otyr.
