QR Aqparat jáne kommýnikatsiialar ministri Dáýren Abaev Almatydaǵy eki internet-sait redaktsiiasyn tintý oqiǵasyna qatysty pikir bildirdi, dep habarlaidy QazAqparat.
«Ratel» men «Forbes» internet saittary týraly taǵy bir márte aityp ótkim keledi. Ózderińiz biletindei, tergeý kásipker Zeinolla Kákimjanovtyń aryzy boiynsha jalǵan aqparat taratylǵany úshin júrgizildi. Buǵan deiin de birneshe ret sot sheshiminiń aryz berýshiniń paidasyna sheshilýin aita ketý kerek. Qazirgi ýaqytta «Forbes» saity kúndelikti tártipte jumys jasap jatyr. Bul rette, tergeý amaldary atalǵan BAQ-tyń bir ǵana qyzmetkerine qatysty bolyp otyr. Birde-bir ustalýshyǵa qatysty protsessýaldyq sharalar qabyldanbasa da, jýrnalistik ortada bul úlken rezonans týdyrdy. Biz media salasy ókilderiniń bolǵan oqiǵaǵa bailanysty alańdaýshylyqtaryn túsinemiz», - dep jazdy ministr óziniń Feisbýk paraqshasynda.
Sonymen qatar, Dáýren Abaev birneshe táýlik boiy ministrlik quqyq qorǵaý organdarymen úzdiksiz bailanysta bolǵanyn atap ótken.
«QR Aqparat jáne kommýnikatsiialar ministrligi azamattyq memlekettik organ bolǵandyqtan, tergeý amaldaryna aralasa almaidy. Alaida qazir biz bul iske qatysty taraptardyń arasynda deldal bolý múmkindigin qarastyryp jatyrmyz. Sonymen qatar, ministrlik barynsha ashyq ári shynaiy tergeý amaldarynyń júrgizilýine kúsh salady», - dep jazdy ministr.
