Búgin jariialanǵan jańa redaktsiia boiynsha latyn grafikasyndaǵy qazaq álipbiinde apostroftar alynyp tastalyp, birneshe árip digraf arqyly jazylatyn boldy. Osy oraida jańa latyn álipbiine qatysty QR Aqparat jáne kommýnikatsiialar ministri Dáýren Abaev pikir bildirdi, dep habarlaidy Vaq.kz tilshisi.
Aldymen ministr latyn grafikasyna negizdelgen qazaq álipbiiniń sońǵy nusqasyn paidalaný kezde birshama qiyndyq bolǵanyn jetkizdi.
«Latyn álipbiin tehnikalyq turǵydan paidalaný jóninde jumys toby óz mindetin atqardy. Bizdiń mamandar bir máselege tap boldy. Sebebi, álipbidegi apastrofqa nazar aýdarar bolsaq, ol arnaiy belgi retinde qarastyryldy. Iaǵni ol barlyǵyn bólip turatyn. Al bul internettegi izdeý jáne qarjy qyzmetinde qiyndyqtar týdyrdy. Osy oraida Elbasy mamandardyń pikirin bildi. Onyń ishinde IT salasynyń mamandary da bar», - dedi Abaev Úkimet otyrysynan keiin jýrnalisterge.
Osy oraida basshy jańa álipbige qatysty pikirin bildirdi.
«Meniń oiymsha, latyn álipbiiniń sońǵy nusqasy tiimdi. Ony engizýge az aqsha jumsalady. Bul Memleket basshysy mańyzdy strategiialyq sheshim qabyldaǵan kezde qoǵamnyń pikirin eskeretinin kórsetedi», - dedi ministr.
Sonymen qatar Dáýren Abaev qazaq tiline negizdelgen latyn álipbiiniń sońǵy nusqasyn jasaý barysynda halyqtyń pikiri eskerilgenin atap ótti.
«Men sońǵy nusqa «halyqtyń talqysyna salynbady» degenmen kelispeimin. Osy joly Ulttyq komissiia ishindegi toptar kóp jumys atqardy. Ózim komissiiada tehnikalyq topty basqardym. Osy topta apostrof qandai máselelerdi týyndatatynyn qarastyrdyq. Sol problemany kóterdik. Elbasy mamandardyń aitqanyn eskerip, jańa nusqany engizip otyr», - dep túidi sózin ministr.
