Aqparat jáne kommýnikatsiialar ministri Dáýren Abaev Qazaqstandaǵy sóz bostandyǵy deńgeiine 10-baldyq shkala boiynsha baǵa berdi, - dep habarlaidy "Ult aqparat".
"Qazaqstanda sóz bostandyǵy qanshalyqty mańyzdy ekenin jaqsy túsinemiz. Sondyqtan bul baǵytta qoldan kelgenin aianyp qalyp jatqanymyz joq… Óz túsinigimdegi sóz bostandyǵy indeksine 10 baldyq shkala boiynsha 7-8 ball beremin. Qazaqstannyń baspasózi azat, erkin dep oilaimyn", — dedi Abaev úkimet otyrysynan keiin jýrnalisterge bergen jaýabynda.
Ol jýrnalisterdiń kez kelgen suraqty qoia alatynyna jáne ol úshin eshkim de "judyryq ala júgirmeitinin" aita ketti.
Ministr halyqaralyq reitingter kórsetkishi basqa ekenin, alaida oǵan áser etýshi faktorlardyń bar ekenin túsindirdi.
"Ókinishke qarai, saýalnama ádisi sarapshylar baǵasyna qaraǵanda sýbektivti pikirge ie", — dedi Abaev.
