Aqparat jáne qoǵamdyq damý ministri Dáýren Abaev Qazaqstan koronavirýs infektsiiasynyń aldyn alý jáne onyń taralýyna jol bermeý úshin Dúniejúzilik densaýlyq saqtaý uiymymen kúndelikti bailanys ustap otyrǵanyn aityp berdi, dep habarlaidy QazAqparat.
«Koronavirýs osy ýaqytqa deiin bizdiń elde tirkelgen bolsa – Úkimetke ony jasyrýdyń ne qajeti bar edi?! Tirkelgeni jasyrylsa – bul múlde orynsyz ári tiimsiz strategiia bolary sózsiz. Faktilerdi jasyrý – aýrýdyń keńinen taraýyna jol ashady. Iaǵni bulai bolsa problemanyń aýqymy úlken bolary daýsyz. Álde Úkimet dúrbeleńnen qorqyp otyr dep oilaisyz ba? Biraq dúrbeleń qazirdiń ózinde bizdiń el túgili dúnieni silkindirip tur. AQSh, Eýropa, Aziia, Afrika – barlyq jerde bar. Bul álbette qalypty qubylys», - dedi Dáýren Abaev «Ashyq dialog» baǵdarlamasynda.
Ministrdiń aitýynsha qazirgi tańda Qazaqstan Úkimeti Dúniejúzilik densaýlyq saqtaý uiymymen kúndelikti bailanysta.
«Álemdik qaýymdastyqtardyń, Dúniejúzilik densaýlyq saqtaý uiymynyń óziniń reaktsiiasyn da kórip otyrsyzdar. Eger Qazaqstan bul faktiniń tirkelgenin jasyryp otyrǵan bolsa, álemdegi seriktesterimizdiń senimin joǵaltyp qana qoimai, bizge qarsy sanktsiialyq sharalar da qabyldanar edi», - dedi Dáýren Abaev.
Onyń aitýynsha, koronavirýs infektsiiasyn zerthanalyq diagnostikalaý Ulttyq saraptama ortalyǵynda júrgiziledi.
«Laboratoriialardyń bári de Resei men Qytaida shyǵarylatyn test-júielerimen qamtylǵan. Sonymen qatar barlyq synama qosymsha eki ortalyqta – Asa qaýipti infektsiialar boiynsha ortalyq pen saraptamanyń sanitarlyq-epidemiologiialyq ortalyǵynda tekseriledi. Bul tekserýdiń bári bizge Dúniejúzilik densaýlyq saqtaý uiymy usynǵan test-júiesi arqyly júrgiziledi», - dedi Dáýren Abaev «Ashyq dialog» baǵdarlamasynda.
Eske sala ketsek koronavirýs infektsiiasynyń aldyn alý úshin búgin Memleket basshysy Qasym-Jomart Toqaev Naýryz merekesine arnalǵan sharalardy jáne áskeri paradty ótkizbeý jóninde tapsyrma bergen bolatyn.
