اقپارات جەنە قوعامدىق دامۋ مينيسترٸ دەۋرەن اباەۆ قازاقستان كوروناۆيرۋس ينفەكتسيياسىنىڭ الدىن الۋ جەنە ونىڭ تارالۋىنا جول بەرمەۋ ٷشٸن دٷنيەجٷزٸلٸك دەنساۋلىق ساقتاۋ ۇيىمىمەن كٷندەلٸكتٸ بايلانىس ۇستاپ وتىرعانىن ايتىپ بەردٸ, دەپ حابارلايدى قازاقپارات.
«كوروناۆيرۋس وسى ۋاقىتقا دەيٸن بٸزدٸڭ ەلدە تٸركەلگەن بولسا – ٷكٸمەتكە ونى جاسىرۋدىڭ نە قاجەتٸ بار ەدٸ?! تٸركەلگەنٸ جاسىرىلسا – بۇل مٷلدە ورىنسىز ەرٸ تيٸمسٸز ستراتەگييا بولارى سٶزسٸز. فاكتٸلەردٸ جاسىرۋ – اۋرۋدىڭ كەڭٸنەن تاراۋىنا جول اشادى. ياعني بۇلاي بولسا پروبلەمانىڭ اۋقىمى ٷلكەن بولارى داۋسىز. ەلدە ٷكٸمەت دٷربەلەڭنەن قورقىپ وتىر دەپ ويلايسىز با? بٸراق دٷربەلەڭ قازٸردٸڭ ٶزٸندە بٸزدٸڭ ەل تٷگٸلٸ دٷنيەنٸ سٸلكٸندٸرٸپ تۇر. اقش, ەۋروپا, ازييا, افريكا – بارلىق جەردە بار. بۇل ەلبەتتە قالىپتى قۇبىلىس», - دەدٸ دەۋرەن اباەۆ «اشىق ديالوگ» باعدارلاماسىندا.
مينيستردٸڭ ايتۋىنشا قازٸرگٸ تاڭدا قازاقستان ٷكٸمەتٸ دٷنيەجٷزٸلٸك دەنساۋلىق ساقتاۋ ۇيىمىمەن كٷندەلٸكتٸ بايلانىستا.
«ەلەمدٸك قاۋىمداستىقتاردىڭ, دٷنيەجٷزٸلٸك دەنساۋلىق ساقتاۋ ۇيىمىنىڭ ٶزٸنٸڭ رەاكتسيياسىن دا كٶرٸپ وتىرسىزدار. ەگەر قازاقستان بۇل فاكتٸنٸڭ تٸركەلگەنٸن جاسىرىپ وتىرعان بولسا, ەلەمدەگٸ سەرٸكتەستەرٸمٸزدٸڭ سەنٸمٸن جوعالتىپ قانا قويماي, بٸزگە قارسى سانكتسييالىق شارالار دا قابىلدانار ەدٸ», - دەدٸ دەۋرەن اباەۆ.
ونىڭ ايتۋىنشا, كوروناۆيرۋس ينفەكتسيياسىن زەرتحانالىق دياگنوستيكالاۋ ۇلتتىق ساراپتاما ورتالىعىندا جٷرگٸزٸلەدٸ.
«لابوراتورييالاردىڭ بەرٸ دە رەسەي مەن قىتايدا شىعارىلاتىن تەست-جٷيەلەرٸمەن قامتىلعان. سونىمەن قاتار بارلىق سىناما قوسىمشا ەكٸ ورتالىقتا – اسا قاۋٸپتٸ ينفەكتسييالار بويىنشا ورتالىق پەن ساراپتامانىڭ سانيتارلىق-ەپيدەميولوگييالىق ورتالىعىندا تەكسەرٸلەدٸ. بۇل تەكسەرۋدٸڭ بەرٸ بٸزگە دٷنيەجٷزٸلٸك دەنساۋلىق ساقتاۋ ۇيىمى ۇسىنعان تەست-جٷيەسٸ ارقىلى جٷرگٸزٸلەدٸ», - دەدٸ دەۋرەن اباەۆ «اشىق ديالوگ» باعدارلاماسىندا.
ەسكە سالا كەتسەك كوروناۆيرۋس ينفەكتسيياسىنىڭ الدىن الۋ ٷشٸن بٷگٸن مەملەكەت باسشىسى قاسىم-جومارت توقاەۆ ناۋرىز مەرەكەسٸنە ارنالعان شارالاردى جەنە ەسكەري پارادتى ٶتكٸزبەۋ جٶنٸندە تاپسىرما بەرگەن بولاتىن.
