«Prezident ákimshiligi basshysynyń birinshi orynbasary Dáýren Abaev «Ashyq dialog» suhbatynyń bul jolǵy efirinde kásiporyn qyzmetkerlerin vaktsina alýǵa mindetteý máselesine toqtaldy, dep habarlaidy QazAqparat.
«Men bul istegi memlekettiń qisynyn shamalap túsindirip kóreiin. Memleket adamdy erkinen tys vaktsina alýǵa kúshtei almaidy. Biraq memlekettiń bizneske qyzmetkerleriniń ekpe alýy týraly talap qoiýǵa quqyǵy bar. Bul talap qoǵamdyq qaýipsizdikti saqtaýǵa baǵyttalǵan. Mysaly, bizdiń árbir azamattan ózimen birge órt sóndiretin qural alyp júrýin talap etýge quqymyz joq. Biraq órt qaýipsizdiginiń erejesi boiynsha, árbir kásiporynda ondai qural bolýy mindetti. Bul – memlekettiń talaby. Al kásiporyn óz qyzmetkerleri arasyndaǵy antivakserlerdiń problemasyn qalai sheshetini - basqa másele», - dedi Prezident Ákimshiligi Basshysynyń birinshi orynbasary.
Sondai-aq, Dáýren Abaev eger jumys berýshiniń óz qyzmetkerlerin pandemiia bitkenshe qashyqtan jumysqa jibere alatyn múmkindigi bolsa, óz erki ekenin eskertti.
«Bul máselesi bir jaǵynan korporativtik ádeppen astasyp jatyr. Kásiporyndar óz qatarynda búkil ujymdy qaýipke dýshar etetin adamdardy ustaýǵa daiyn ba? Mysaly, shylym shegý nemese shekpeý - árkimniń óz quqyǵy. Ony ózińiz sheshesiz. Memleket tyiym salyp nemese mindettei almaidy. Biraq sport dúkenderiniń kóbi mundai ziiandy ádeti bar adamdardy jumysqa almaidy. Iá, muny shylym shegýshilerdi kemsitý dep qaraýǵa da bolady. Biraq bul – jumys berýshiniń quqyǵy», - degen spiker vaktsinalaý máselesine qatysty AQSh-ta ótken sotty mysalǵa keltirdi.
«Jýyqta Tehastyń federaldyq soty Hiýstondaǵy aýrýhanalardyń biriniń qyzmetkerleri bergen shaǵymdy keri qaitardy. Olar da vaktsina alǵysy kelmegen. Sot qaýlysynda shaǵym berýshiniń vaktsinadan bas tartýǵa quqyǵy bar ekeni, biraq onda oǵan basqa jumys izdeýge týra keletini jazylǵan. Sondaǵy sýdianyń sózi maǵan unady. «Árbir jumystyń shekteýi bolady, biraq sol úshin syiaqysy da bolady. Bul – kelisimniń bir bóligi». Sýdia osylai dedi. Osy sózdi osy jerde de qoldansa, oryndy bolatyn shyǵar», - dedi Dáýren Abaev.
