QR Mádeniet jáne sport ministri Dáýren Abaev ártisterdiń sahnadaǵy óreskel is-qimyldary týraly pikir bildirdi, dep habarlaidy QazAqparat.
«Irina Qairatovna» tobynyń oqiǵasyna qatysty, ártisterdiń sahnaǵa mas bolyp shyqqany úshin jaýapkershilik engizesizder me?», - dep suraq qoidy tilshiler Úkimet otyrysynan keiingi suhbatta.
«Shyn máninde elimizde myńdaǵan kontsertter ótedi, osyndai oqiǵalar da bolyp jatady. Biraq myńdaǵan ártisterdiń bári sahnada óreskel qylyq kórsetip júrgen joq. Bul máseleni jaqsy bilemiz jáne qarastyryp jatyrmyz. Jaqyn arada osy baǵytta ne isteitinimiz týraly naqty nátijeler beremiz dep oilaimyn. Másele áli talqylanyp jatyr. Kim kimge shaǵym túsirýi kerek, politsiiaǵa kim habarlaýy kerek, jaýapkershilik kimde, áli eshteńe belgisiz», - dep jaýap berdi Abaev.
Sonymen birge ministrge reseilik tiktokshylardyń kóptep kelip jatqany, olardyń da masań kúide júretini, kóp tártipsizdikke baratyny jáne qalai qadaǵalatyny týraly suraq qoiyldy.
«Zań bárine ortaq. Tiktokshy bola ma, bastyq nemese qatardaǵy adam bolsa da, zań men normalar anyq jazylǵan. Shartty túrde aitsaq, reseilik tiktokshylar tártip buzsa, elimizdiń zańy boiynsha jaýapqa tartylady. Al ózin tártipti ustasa – qandai másele kórip tursyzdar?», - dedi Abaev.
