Búgin Mádeniet jáne sport ministri Dáýren Abaev Shymkent qalasynyń turǵyndarymen kezdesti. Ministr memleket pen qoǵam arasyndaǵy dialogtyń mańyzdylyǵyn atap ótip, ózekti suraqtarǵa jaýap berdi, dep habarlaidy "Ult aqparat" vedomstvonyń baspasóz qyzmetine silteme jasap.
«Prezident tapsyrmasy boiynsha memlekettik organdardyń basshylary óńirlerde halyqpen kezdesý ótkizip jatyr. Bul – memleket pen qoǵamnyń ózara senimi men qurmetine negizdelgen jańa saiasi mádenietti qurýdaǵy óte mańyzdy qadam. Sondyqtan da búgin sizderdi tolǵandyratyn barlyq suraqtarǵa tikelei jaýap berýge keldim», – dedi ministr.
Dáýren Abaev ózekti máselelerge egjei-tegjeili toqtaldy. Atap aitqanda, ol ótken jyly megapoliste 9 mádeniet nysanyna jóndeý jumystary júrgizilgenin habarlady. Biyl taǵy 10 nysan jóndeýden ótip jatyr. Aita keterligi, Shymkette Kongress holl men Oqýshylar saraiynyń qurylysy júrgizilýde. Ministr mádeniet salasy qyzmetkerleriniń eńbekaqysy týraly suraqtarǵa da jaýap berdi.
«Mádeniet jáne arhiv isi uiymdary qyzmetkerleriniń eńbekaqysy orta eseppen ár jyl saiyn 20%-ǵa ósetin bolady. Bul jumys 2025 jylǵa deiin júrgiziledi, iaǵni osy kezeńde eńbekaqy kólemi 100%-ǵa artady. Memleket basshysynyń Jarlyǵyna sáikes 1 shildeden bastap «Ulttyq» mártebesi bar mádeniet mekemeleri qyzmetkerleriniń eńbekaqysy 75%-ǵa artatynyn atap ótkim keledi», – dedi Abaev.
Ministrdiń aitýynsha, elimizde kino óndirisi qarqyndy damyp keledi. Máselen, «Qazaqfilm» kinostýdiiasyn jańǵyrtý júzege asyrylyp jatyr, «Qazaqanimatsiia» shyǵarmashylyq birlestigin qurý boiynsha jumys júrgizilip otyr. Bul birlestik biyl kórermenderge 10 pilottyq joba usynady. Reitingi joǵary animatsiialyq filmder men kinokartinalardy qazaq tiline dýbliajdaýǵa qarajat bólinedi.
«Suraq-jaýap» sessiiasy aiasynda ministrge mańyzdy suraqtar qoiyldy, olardyń basym bóligi mádeniet salasyna jáne sport sektsiialary men shyǵarmashylyq úiirmelerdi jan basyna qarjylandyrýǵa qatysty boldy. Dáýren Abaev Artsport jobasy jabylmaitynyn aitty, tek talaptarǵa túzetýler engiziletinin jetkizdi.
Halyqpen kezdesýden keiin Dáýren Abaev BAQ ókilderi úshin arnaiy brifing ótkizip, azamattardy qabyldady. Kezdesýge 500-ge jýyq adam qatysty.
