QR Aqparat jáne qoǵamdyq damý ministri Dáýren Abaev koronavirýsqa bailanysty elimizde tótenshe jaǵdai engizilýine orai qazaqstandyqtarǵa úndeý jasady, dep habarlaidy "Ult aqparat".
«Búgin Memleket basshysy tótenshe jaǵdai rejimin engizdi. Táýelsiz Qazaqstan tarihynda bul buryn bolmaǵan, biraq ókinishke qarai májbúrli qadam sanalady. Epidemiia bastalǵan sátten-aq qatań sharalar qabyldaǵan elder aýrýdyń taralýynan aitarlyqtai báseńdetkenin tájiribe kórsetip otyr. Prezident qaýlysynda engiziletin shekteý sharalarynyń tizimi bolǵanyna qaramastan, azamattar jańa jaǵdaida ómirleriniń munan ary qalai bolatyndyǵyn surap kóptegen suraq qoiýda. Osyǵan qarai tótenshe jaǵdai rejimi barynsha qatań sharalarǵa qaramastan eldiń ekonomikalyq ómirin tolyqtai toqtatyp tastaýǵa baǵyttalmaǵanyn atap ótkim keledi», - dep jazdy ministr Facebook paraqshasynda.
Máselen, onyń atap ótýinshe, búkil el aýmaǵyndaǵy azyq-túlik dúkenderi, sýpermarketter jáne olardyń qoimalary shtattyq rejimde jumysyn jalǵastyrady. Sondyqtan azyq-túliktiń barlyǵyn satyp alyp ketedi dep qorqýdyń jáne dúrbeleń jasaýdyń qajeti joq. Balabaqshalardyń jumysynda da irkilis bolmaidy.
«Erteń Memleket basshysy Úndeý jasap, naqty tapsyrmalar beretin bolady. Sodan keiin kúni boiy memlekettik organdar óz salalarynda, aitalyq, jumys kestesin uiymdastyrý, azyq-túlik qaýipsizdigimen jáne meditsinalyq dári-dármektermen qamtamasyz etý, meditsinalyq mekeme jumystaryn úilestirý, el ishinde júrip-turý boiynsha sharalar men nusqaýlyqtar ázirleitin bolady. Tótenshe jaǵdai rejimi - bul qozǵalmaityn sanat emes. Kóptegen shara jalpy epidemiologiialyq jaǵdaiǵa bailanysty kúsheitilýi nemese alynyp tastalýy múmkin. Halyq úshin engizilgen sharalarǵa túsinistikpen qaraýǵa úndeimin. Eldiń barlyq resýrsy aýrýmen kúreske jumyldyrylatyn bolady» - dedi Dáýren Abaev.
