Búgin Ortalyq kommýnikatsiialar qyzmetindegi brifingte QR Aqparat jáne qoǵamdyq damý ministri Dáýren Abaev eldi dúrliktirgen elektrondy úkimet portalyndaǵy kartaǵy qatysty túsinikteme berdi, dep habarlaidy QazAqparat.
«Taǵy bir saýal eGov.kz elektrondy úkimet portalyndaǵy shýly kartaǵa qatysty bolyp otyr. Keshe ol dúrbeleń týdyrdy. Óitkeni kópshiligi ony virýstyń taralý kartasy eken dep túsinip qalǵan. Al is júzinde ol jerde negizinen koronavirýspen aýyrǵandarmen bailanysta bolǵan adamdardyń sany kórsetilgen edi. Olardyń barlyǵy da meditsinalyq baqylaýdan ótken. Eshqaisysynan koronavirýs infektsiiasy tabylmaǵan. Daýryǵýǵa esh sebep joq. Qazirgi ýaqytta karta barynsha túsinikti bolýy úshin jetildirilip jatyr», - dedi Dáýren Abaev.
Aita keteiik, keshe eGov.kz elektrondy úkimet portalynda elimizde koronavirýstyń taralýyn, onyń ishinde halyq úshin qaýipti aimaqtardy kórsetetin karta paida bolǵan edi.
