بٷگٸن ورتالىق كوممۋنيكاتسييالار قىزمەتٸندەگٸ بريفينگتە قر اقپارات جەنە قوعامدىق دامۋ مينيسترٸ دەۋرەن اباەۆ ەلدٸ دٷرلٸكتٸرگەن ەلەكتروندى ٷكٸمەت پورتالىنداعى كارتاعى قاتىستى تٷسٸنٸكتەمە بەردٸ, دەپ حابارلايدى قازاقپارات.
«تاعى بٸر ساۋال eGov.kz ەلەكتروندى ٷكٸمەت پورتالىنداعى شۋلى كارتاعا قاتىستى بولىپ وتىر. كەشە ول دٷربەلەڭ تۋدىردى. ٶيتكەنٸ كٶپشٸلٸگٸ ونى ۆيرۋستىڭ تارالۋ كارتاسى ەكەن دەپ تٷسٸنٸپ قالعان. ال ٸس جٷزٸندە ول جەردە نەگٸزٸنەن كوروناۆيرۋسپەن اۋىرعاندارمەن بايلانىستا بولعان ادامداردىڭ سانى كٶرسەتٸلگەن ەدٸ. ولاردىڭ بارلىعى دا مەديتسينالىق باقىلاۋدان ٶتكەن. ەشقايسىسىنان كوروناۆيرۋس ينفەكتسيياسى تابىلماعان. داۋرىعۋعا ەش سەبەپ جوق. قازٸرگٸ ۋاقىتتا كارتا بارىنشا تٷسٸنٸكتٸ بولۋى ٷشٸن جەتٸلدٸرٸلٸپ جاتىر», - دەدٸ دەۋرەن اباەۆ.
ايتا كەتەيٸك, كەشە eGov.kz ەلەكتروندى ٷكٸمەت پورتالىندا ەلٸمٸزدە كوروناۆيرۋستىڭ تارالۋىن, ونىڭ ٸشٸندە حالىق ٷشٸن قاۋٸپتٸ ايماقتاردى كٶرسەتەتٸن كارتا پايدا بولعان ەدٸ.
