Áleýmettik jeliler men blogerler buqaralyq aqparat quraldaryna teńestirilmeidi. Bul týraly Májiliste «Qazaqstan Respýblikasynyń keibir zańnamalyq aktilerine aqparat jáne kommýnikatsiialar máseleleri boiynsha ózgerister men tolyqtyrýlar engizý týraly» zań jobasyn tanystyrý barysynda QR Aqparat jáne kommýnikatsiialar ministri Dáýren Abaev málim etti, dep habarlaidy "Ult aqparat" QazAqparat agenttigine silteme jasap.
«Biz blogerlerdi jýrnalisterge nemese jelilik basylymdarǵa teńestirýdi usynǵan bolatynbyz, alaida qoǵamdastyq qarsy pikir aityp, biz osy normany alyp tastadyq. Meniń oiymsha, eshqandai da problema joq. Budan bólek, Qazaqstanda tirkelgen jelilik basylymdar atalǵan zańnamanyń normalarymen retteledi. Áleýmettik jelilerdegi pablikter zańmen rettelmeidi. Qazirgi kezeńde biz bir ǵana baǵytty kórip otyrmyz, iaǵni Qazaqstan aýmaǵynda jariialanatyn quqyqqa qaishy kontentti alyp tastaýy úshin atalǵan pablikterdiń adminderimen, jetekshilerimen jumys isteimiz», - dedi ministr.
Onyń sózine qaraǵanda, keibir blogerlerdiń aýditoriiasy birqatar qazaqstandyq BAQ-qa qaraǵanda basymyraq. Sonymen qatar olarǵa memlekettik tapsyrys berilmeidi.
Aita keteiik, zań jobasy aiasynda 4 kodeks pen 12 zań jobasyna 200-den astam túzetýler enigizý josparlanyp otyr.
«Ashyq talqylaýlardyń arqasynda zań jobasy mańyzdy usynystarmen tolyqtyryldy»,-dedi Abaev.
