Elordada Aqparat jáne qoǵamdyq damý ministri Dáýren Abaev jáne jurtshylyqtyń qatysýymen «Qazaqstan Respýblikasynda beibit jinalystar, mitingiler, sherýler, piketter jáne demonstratsiialar uiymdastyrý jáne ótkizý tártibi týraly» zań jobasy talqylanýda, dep habarlaidy QazAqparat.
«Bizdiń keibir áriptesterimiz ózderi jazǵan, aitqan usynystardyń keibiri zań jobasyna engizilmegenin aityp, narazylyq bildirýde. Birinshiden, bul bir-eki kúndik nemese bes minýttyq protsess emes. Bizde memlekettik organdarmen belgili bir kelisimder, protsedýralar bar. Bul aitarlyqtai uzaqqa sozylatyn protsess. Sondyqtan sizderge aitarym: Sizder aitqan usynystardy Memleket basshysy men bizder estimiz. Zań jobasy birshama, tipti aitarlyqtai ózgeristerge ushyraidy. Biz zańgerler men memlekettik organdardyń ǵana emes, óz oiyn bildirgisi keletin, sonyń ishinde miting arqyly bildirgisi keletin Qazaqstan azamattarynyń da múddelerin eskerýimiz kerek», - deidi Dáýren Abaev.
Sondai-aq, ol Parlament Májilisinde depýtattar zań jobasyna ózgerister engizetinin aitty.
Eske sala ketsek, Memleket basshysy Qasym-Jomart Toqaev buǵan deiin talqylanyp jatqan zań jobasyna túsinikteme berip, beibit jinalystar belgilengen oryndarda ótkizilýi kerek ekenin jáne olardy ótkizý sipaty týraly aitqan bolatyn.
