QR Mádeniet jáne sport ministri Dáýren Abaev M.Áýezov atyndaǵy Qazaq ulttyq drama teatrynyń jaǵdaiyna alańdaýshylyq bildirdi, dep habarlaidy QazAqparat.
«Keibir respýblikalyq mádeniet uiymdary ǵimarattarynyń tehnikalyq jaǵdaiy tómen.
Oǵan ózim kýá boldym. Ózderińiz de habardar shyǵarsyzdar, biz qazir ministrlikke qarasty barlyq uiymdardy aralap júrmiz. Basty maqsatymyz – jaǵdaiǵa tolyqqandy qanyǵyp, problemanyń bárin aiqyndaý. Sodan keiin osy máselelerdi retimen sheshý josparyn jasaimyz», - degen ministr jaǵdaiy nashar birneshe nysanǵa jeke toqtaldy.
«Búginde Áýezov atyndaǵy Qazaq ulttyq drama teatrynyń ǵimaraty tolyqtai qalpyna keltirýdi qajet etedi. 40 jylda ǵimaratqa bir de bir ret kúrdeli jóndeý jasalmaǵan. Sondyqtan teatr óziniń ǵasyrlyq toiyn jóndelgen ǵimaratta qarsy alýǵa laiyqty dep oilaimyn.
Sonymen qatar Júrgenov atyndaǵy qazaq ulttyq óner akademiiasynyń bas korpýsy da aitarlyqtai eskirgen. Arnaýly aýditoriialar, tájiribe sabaqtaryna arnalǵan pavilondar, jataqhanada oryndar jetispeidi.
Jambyl atyndaǵy qazaq memlekettik filarmoniiasy men Respýblikalyq akademiialyq nemis drama teatry da jóndeýdi qajet etedi», - dedi Dáýren Abaev.
Sondai-aq, ol salaǵa jetekshilik etetin orynbasaryna 35 mádeniet nysanynyń qurylysyn jáne 265 nysannyń jóndelýin baqylaýǵa alýdy tapsyrdy.
