QR Aqparat jáne qoǵamdyq damý ministri Dáýren Abaev aqparattyq jala úshin Eýropada qandai jazalar qarastyrǵanyn aitty, dep habarlaidy QazAqparat.
«Birinshiden, bizdiń zańnama aqparattyń jala máselesin, ondai zańbuzýshylyqtyń aýyrtpalyqtaryn baisaldy, oiǵa qonymdy rettei alatynyn qaitalai keteiin. Biz bul joly quqyqtyq qoldaný praktikasyn jetildirýge kóbirek baǵyt alyp otyrmyz. Ekinshiden, áiteýir Germaniia týraly aitylǵan eken, atalmysh eldiń Qylmystyq kodeksinde mediany paidalana otyryp jala taratqany úshin 5 jylǵa deiin bas bostandyǵynan aiyrý jazasy qarastyrylǵan. Úshinshiden, 50 mln eýroǵa deiingi aiyppuldyń ózektiligine keler bolsaq, men arnaiy qarap shyqtym. Germaniianyń 2017 jylǵy áleýmettik mediadaǵy quqyqtyq paidalanýdy jetildirý zańynda osyndai shara qarastyrylǵan», - dedi ministr «Habar» arnasyndaǵy «Ashyq dialog» baǵdarlamasynda.
Vedomstvo basshysynyń sózine qaraǵanda, atalmysh zańbuzýshylyq úshin Singapýr, Frantsiia, Shveitsariia elderinde de ájeptáýir qatań sharalar qarastyrylǵan.
