Mádeniet jáne sport ministri Dáýren Abaev Úkimet otyrysynda aimaq basshylaryn dárethanalarǵa nazar aýdarýǵa shaqyrdy, dep habarlaidy Ulysmedia.kz.
"Aimaqtar nazaryn dárethanalardyń jaǵdaiyna aýdarǵym keledi. Menińshe, bul suraqty jeke biznesti tartý arqyly sheshý kerek dep esepteimin", – dedi Abaev Úkimet otyrysynda.
Ministrdiń aitýynsha, týrizm damyǵan aimaqtarda dárethanalar jetispeýshiligi baiqalady.
"Ákimdikterdi de túsinýge bolady. Mysaly, bizde Qaiyńdy bar. Týrister kóptep baratyn keremet oryn. Dárethanalar ornatylǵan, biraq olar jumys istemeidi. Sebebi dárethanany jabdyqtaý júiesine qosý qymbatqa túsedi", – dep qosty ministr.
Dáýren Abaev bul dárethanalardyń sý bolmaǵandyqtan, jumys istemei turǵanyn aitty.
"Qazir ákimdik biznespen birlese otyryp basqa nusqa tabýy kerek. Bul másele óz sheshimin tabady", – dedi ministr.
