Aqparat jáne kommýnikatsiialar ministri Dáýren Abaev byltyr internet-resýrs ielenýshileri men ákimshilerine 150 myń aqparattyq material boiynsha 500 eskertý aitylǵanyn málimdedi, - dep habarlaidy "Ult aqparat" kaz.tengrinews.kz portalyna silteme jasap.
"2016 jyly internet-resýrs ielenýshileri men ákimshilerine 150 myń aqparattyq materialǵa qatysty eskertý jazylǵan 500 hat joldandy. Osy arqyly internet-resýrs ielenýshileri terrorizm men ekstremizm, zulymdyqty, sýitsidti nasihattaityn zańǵa qaishy 110 myń materialdy joidy. Budan bólek, 2016 jyly 31 myń materialdy joiý týraly uiǵarym shyqty, onyń arasynda 26 myń material zulymdyq, zorlyq-zombylyq, sýitsidti nasihattaidy", - dedi Dáýren Abaev keńeitilgen alqa otyrysynda.
Byltyr sot organdaryna internet-resýrstardyń zańǵa qaishy 164 siltemesine qatysty 17 aryz túskenin jáne sáikes sheshim qabyldanǵanyn aita ketti ministr.
