Foto: ashyq derekkóz
Qazaqstanda ataýly áleýmettik kómek (AÁK) alýshylarǵa áleýmettik mańyzy bar azyq-túlik taýarlaryn tómen baǵamen satyp alýǵa múmkindik beretin jańa pilottyq joba iske qosyldy, dep habarlaidy Ult.kz.
Joba aiasynda «eGov Mobile» qosymshasyndaǵy «Áleýmettik ámiian» servisi arqyly tsifrlyq vaýcherler beriledi. AÁK alýshy dúken kassasynda QR-kodty kórsetse, júie avtomatty túrde 15%-ǵa deiin jeńildik qoldanady. Vaýcherdiń mólsheri otbasy quramyna qarai esepteledi: ár adamǵa bir ailyq eseptik kórsetkish (2025 jyly — 3 932 teńge) kóleminde qarajat bólinedi. Mysaly, 4 adamnan turatyn otbasy shamamen 16 myń teńgege jýyq somaǵa jeńildikpen azyq-túlik satyp ala alady.
Alǵashqy kezeńde joba Aqmola oblysynyń Aqkól qalasynda iske asady. Keiin ol Kókshetaý men Pavlodarda jalǵasyn tabady.
Baǵany turaqtandyrý úshin saýda jelilerine tómen paiyzdyq mólsherlememen jeńildetilgen nesieler beriledi. Qarjynyń 35%-y kásipkerlerdi nesieleýge, 65%-y otandyq óndirýshilerden ónim satyp alýǵa baǵyttalmaq.
Pilottyq kezeń aiaqtalǵan soń joba elimizdiń basqa óńirlerine de taratylady. Bul bastama 245 myńnan astam AÁK alýshyny qamtyp, áleýmettik osal toptarǵa ádil ári ashyq qoldaý tetigin usynýdy kózdeidi.
