فوتو: اشىق دەرەككٶز
قازاقستاندا اتاۋلى ەلەۋمەتتٸك كٶمەك (اەك) الۋشىلارعا ەلەۋمەتتٸك ماڭىزى بار ازىق-تٷلٸك تاۋارلارىن تٶمەن باعامەن ساتىپ الۋعا مٷمكٸندٸك بەرەتٸن جاڭا پيلوتتىق جوبا ٸسكە قوسىلدى, دەپ حابارلايدى Ult.kz.
جوبا اياسىندا «eGov Mobile» قوسىمشاسىنداعى «ەلەۋمەتتٸك ەمييان» سەرۆيسٸ ارقىلى تسيفرلىق ۆاۋچەرلەر بەرٸلەدٸ. اەك الۋشى دٷكەن كاسساسىندا QR-كودتى كٶرسەتسە, جٷيە اۆتوماتتى تٷردە 15%-عا دەيٸن جەڭٸلدٸك قولدانادى. ۆاۋچەردٸڭ مٶلشەرٸ وتباسى قۇرامىنا قاراي ەسەپتەلەدٸ: ەر ادامعا بٸر ايلىق ەسەپتٸك كٶرسەتكٸش (2025 جىلى — 3 932 تەڭگە) كٶلەمٸندە قاراجات بٶلٸنەدٸ. مىسالى, 4 ادامنان تۇراتىن وتباسى شامامەن 16 مىڭ تەڭگەگە جۋىق سوماعا جەڭٸلدٸكپەن ازىق-تٷلٸك ساتىپ الا الادى.
العاشقى كەزەڭدە جوبا اقمولا وبلىسىنىڭ اقكٶل قالاسىندا ٸسكە اسادى. كەيٸن ول كٶكشەتاۋ مەن پاۆلوداردا جالعاسىن تابادى.
باعانى تۇراقتاندىرۋ ٷشٸن ساۋدا جەلٸلەرٸنە تٶمەن پايىزدىق مٶلشەرلەمەمەن جەڭٸلدەتٸلگەن نەسيەلەر بەرٸلەدٸ. قارجىنىڭ 35%-ى كەسٸپكەرلەردٸ نەسيەلەۋگە, 65%-ى وتاندىق ٶندٸرۋشٸلەردەن ٶنٸم ساتىپ الۋعا باعىتتالماق.
پيلوتتىق كەزەڭ اياقتالعان سوڭ جوبا ەلٸمٸزدٸڭ باسقا ٶڭٸرلەرٸنە دە تاراتىلادى. بۇل باستاما 245 مىڭنان استام اەك الۋشىنى قامتىپ, ەلەۋمەتتٸك وسال توپتارعا ەدٸل ەرٸ اشىق قولداۋ تەتٸگٸن ۇسىنۋدى كٶزدەيدٸ.
