«Biz búkil el bolyp birigý arqyly terrorizmge toitarys bere alamyz. Bul týraly búgin Almatyda lańkestik áreket saldarynan qaza tapqan politsiia qyzmetkerleri Aian Ǵaliev pen Ǵani Nurimanovty aqtyq saparǵa shyǵaryp salýǵa arnalǵan qaraly jiyn barysynda saiasatker, Almaty qalasy Qoǵamdyq keńesiniń múshesi Aidos Sarym málim etti», — dep habarlaidy Ult.kz tilshisi QazAqparat agenttigine silteme jasap.
«Sońǵy kezderi elimizde ókinishke qarai, osyndai qaiǵyly oqiǵalar kóbeiip ketti. Sondyqtan mundai lańkestik áreketter qaitalanbas úshin, myqtap oilanatyn, úlken de keshendi sharalar qabyldaityn kez jetti. Uzaq jyldar elimizde dástúrli emes dinder, radikaldy aǵymdar tamyryn jaiyp úlgerdi. Búgin sonyń nátijesin kórip otyrǵandaimyz. Endi, bolashaqta lańkestik áreketterge jol bermes úshin el bolyp, qoǵam bolyp uiysýymyz qajet. Quqyq qorǵaý organdary qyzmetkerleriniń el namysyn, memlekettiń múddesin, erteńine alańdamai qorǵaýyn qamtamasyz etetindei eńbek jasaýymyz qajet», — dedi A. Sarym.
