1943 jyly maýsymda jas sarbaz Kalinin 4-soqqy áskeriniń 19-atqyshtar polkiniń, sodan keiin 1-Baltyq jáne 3-Belorýs maidandarynyń aldyńǵy qatarynda bolǵan. 1944 jyldan bastap 51-Qyzyl týly 30-jeke barlaý rotasynyń, Sývorov ordeniniń, Vitebsk atqyshtar diviziiasynyń quramynda qyzmet etken.
Belarýsti, Latviiany, Litvany, Polshany, Keninsgberg qalasyn azat etken. Soǵystyń sońǵy ailarynda taǵy 2 ret jaralanyp, Keninsgbergte Jeńis kúnin qarsy alyp, keiin Polshaǵa jiberilgen. Sodan keiin 3 ret jaralanǵan adam retinde demobilizatsiialanǵan.
1947 jyly aýdandyq komsomol komitetiniń ekinshi hatshysy qyzmetin atqarǵan Qambar Ámiruly Almatydaǵy KSRO IIM úsh jyldyq ofitserlik mektebiniń kýrsanty bolǵan.
1950-1980 jyldary IIO-da kishi leitenanttan polkovnikke deiin, qatardaǵy jedel ýákilden Qazaqstan IIM memlekettik kúzet qyzmeti basqarmasynyń bastyǵyna deiin qyzmet etken. 1980-1997 jyldary Almaty qalasynyń strategiialyq nysandaryn kúzetý boiynsha azamattyq qorǵanys júiesinde jumys istegen.
Otanǵa qaltqysyz qyzmet etkeni jáne boryshyn úlgili atqarǵany úshin polkovnik kóptegen nagradamen marapattalǵan, ol - "KSRO militsiiasynyń úzdigi" tósbelgisiniń kavaleri. Sonymen qatar, Uly Otan soǵysynyń I jáne II dárejeli 2 ordenimen, II jáne III dárejeli "Dańq" ordenderimen, Qyzyl Juldyz ordenimen, "Jaýyngerlik eńbegi úshin", "Keningsbergti alǵany úshin" medaldarymen nagradtalǵan.
