Qarjy vitse-ministri Marat Sultanǵaziev 96 myń kólik iesine salyq qaita esepteletinin aitty. Mundai norma Májiliste talqylanyp jatqan Salyq kodeksine engizilgen ózgerister aiasynda qarastyrylyp otyr, - dep habarlaidy Tengrinews.kz tilshisi.
Májilis depýtaty Ekaterina Smyshliaevanyń aitýynsha, halyq arasynda gazel atalyp ketken avtokólikterge salynatyn kólik salyǵy qazirgidei qozǵaltqysh kólemine emes, júk kótergishtigine bailanysty belgilengen mólsherlemeler boiynsha tólenedi. Norma shamamen 96 myń kólikke áser etedi. Ol 2021 jyldyń 1 qańtarynan qaita esepteledi.
"Zańdy tulǵalardyń 2021 jylǵa arnalǵan kólik salyǵyn tóleý merzimi 2021 jyldyń 5 shildesinde aiaqtaldy. Al jeke tulǵalar men jeke kásipkerler úshin 2022 jyldyń 31 naýryzynda aiaqtalady. Sondyqtan salyq tólegen kólik ieleri úshin ony qaita esepteý qajet. 2021 jyldyń salyǵyn tólep qoiǵandarǵa salyqty qaita esepteý qalai uiymdastyrylady", - dep surady depýtat Májilistiń jalpy otyrysynda.
