قارجى ۆيتسە-مينيسترٸ مارات سۇلتانعازيەۆ 96 مىڭ كٶلٸك يەسٸنە سالىق قايتا ەسەپتەلەتٸنٸن ايتتى. مۇنداي نورما مەجٸلٸستە تالقىلانىپ جاتقان سالىق كودەكسٸنە ەنگٸزٸلگەن ٶزگەرٸستەر اياسىندا قاراستىرىلىپ وتىر, - دەپ حابارلايدى Tengrinews.kz تٸلشٸسٸ.
مەجٸلٸس دەپۋتاتى ەكاتەرينا سمىشلياەۆانىڭ ايتۋىنشا, حالىق اراسىندا گازەل اتالىپ كەتكەن اۆتوكٶلٸكتەرگە سالىناتىن كٶلٸك سالىعى قازٸرگٸدەي قوزعالتقىش كٶلەمٸنە ەمەس, جٷك كٶتەرگٸشتٸگٸنە بايلانىستى بەلگٸلەنگەن مٶلشەرلەمەلەر بويىنشا تٶلەنەدٸ. نورما شامامەن 96 مىڭ كٶلٸككە ەسەر ەتەدٸ. ول 2021 جىلدىڭ 1 قاڭتارىنان قايتا ەسەپتەلەدٸ.
"زاڭدى تۇلعالاردىڭ 2021 جىلعا ارنالعان كٶلٸك سالىعىن تٶلەۋ مەرزٸمٸ 2021 جىلدىڭ 5 شٸلدەسٸندە اياقتالدى. ال جەكە تۇلعالار مەن جەكە كەسٸپكەرلەر ٷشٸن 2022 جىلدىڭ 31 ناۋرىزىندا اياقتالادى. سوندىقتان سالىق تٶلەگەن كٶلٸك يەلەرٸ ٷشٸن ونى قايتا ەسەپتەۋ قاجەت. 2021 جىلدىڭ سالىعىن تٶلەپ قويعاندارعا سالىقتى قايتا ەسەپتەۋ قالاي ۇيىمداستىرىلادى", - دەپ سۇرادى دەپۋتات مەجٸلٸستٸڭ جالپى وتىرىسىندا.
