QMA Pavlodar oblysy boiynsha departamentiniń qyzmetkerleri jedel-izdestirý is-sharalary barysynda AI-95 markaly benzindi el aýmaǵynan zańsyz áketý áreketiniń jolyn kesti, - dep habarlaidy "Ult aqparat" Qarjy monitoringi agenttigine silteme jasap.
"Kólemi 280 tonna, quny shamamen 90 million teńge bolatyn janarmai quiylǵan 5 vagon-tsisterna ustaldy, olardy janarmai qospasy degen jeleýmen Ózbekstanǵa alyp ketpek bolǵan.
Mamandar qorytyndysyna sáikes, temirjol tsisternalarynan alynǵan synamalar K-4 ekologiialyq klasyndaǵy AI-95 benzini sanalady", - delingen habarlamada.
Belgili bolǵandai, kelisim shart boiynsha shetel kompaniiasynyń paidasyna elden jalpy somasy 45 million dollarǵa 50 myń tonna eksport jasaý josparlanǵan.
"Tergeý jalǵasyp jatyr. Tergeý múddesindegi basqa aqparat jariia etilmeidi", - delingen habarlamada.
