Almatyda biyl elektrosamokat qatysqan adam ólimimen aiaqtalǵan alǵashqy jol-kólik oqiǵasy tirkeldi. Qaiǵyly jaǵdai túnde Shyǵys ainalma avtojolynda (VOAD) bolǵan, dep habarlaidy ult.kz.
Qalalyq politsiia departamentiniń málimetinshe, 54 jastaǵy er adam elektrosamokatpen joldyń sol jaq shetki jolaǵymen qozǵalǵan. Aldyn ala málimet boiynsha, onyń jyldamdyǵy saǵatyna shamamen 90 shaqyrymǵa jetken.
Er adam jeńil kólikti basyp ozý kezinde rólge ie bola almai, joǵary jyldamdyqpen asfaltqa qulaǵan. Qatty soqqydan onyń qorǵanysh dýlyǵasy basynan ushyp ketken.
Alǵan jaraqattarynan samokat júrgizýshisi jedel járdem kelgenge deiin oqiǵa ornynda kóz jumǵan.
Atalǵan fakti boiynsha sotqa deiingi tergeý bastaldy. Politsiia jol apatynyń barlyq mán-jaiyn anyqtap jatyr.
Quqyq qorǵaý organdarynyń málimetinshe, jyl basynan beri Almatyda elektrosamokattardyń qatysýymen 91 jol apaty bolǵan. Sonyń saldarynan 96 adam túrli dárejede jaraqat alǵan. Bul biyl elektrosamokat qatysqan adam ólimimen aiaqtalǵan alǵashqy jol-kólik oqiǵasy.
