الماتىدا بيىل ەلەكتروساموكات قاتىسقان ادام ٶلٸمٸمەن اياقتالعان العاشقى جول-كٶلٸك وقيعاسى تٸركەلدٸ. قايعىلى جاعداي تٷندە شىعىس اينالما اۆتوجولىندا (ۆواد) بولعان, دەپ حابارلايدى ult.kz.
قالالىق پوليتسييا دەپارتامەنتٸنٸڭ مەلٸمەتٸنشە, 54 جاستاعى ەر ادام ەلەكتروساموكاتپەن جولدىڭ سول جاق شەتكٸ جولاعىمەن قوزعالعان. الدىن الا مەلٸمەت بويىنشا, ونىڭ جىلدامدىعى ساعاتىنا شامامەن 90 شاقىرىمعا جەتكەن.
ەر ادام جەڭٸل كٶلٸكتٸ باسىپ وزۋ كەزٸندە رٶلگە يە بولا الماي, جوعارى جىلدامدىقپەن اسفالتقا قۇلاعان. قاتتى سوققىدان ونىڭ قورعانىش دۋلىعاسى باسىنان ۇشىپ كەتكەن.
العان جاراقاتتارىنان ساموكات جٷرگٸزۋشٸسٸ جەدەل جەردەم كەلگەنگە دەيٸن وقيعا ورنىندا كٶز جۇمعان.
اتالعان فاكتٸ بويىنشا سوتقا دەيٸنگٸ تەرگەۋ باستالدى. پوليتسييا جول اپاتىنىڭ بارلىق مەن-جايىن انىقتاپ جاتىر.
قۇقىق قورعاۋ ورگاندارىنىڭ مەلٸمەتٸنشە, جىل باسىنان بەرٸ الماتىدا ەلەكتروساموكاتتاردىڭ قاتىسۋىمەن 91 جول اپاتى بولعان. سونىڭ سالدارىنان 96 ادام تٷرلٸ دەرەجەدە جاراقات العان. بۇل بيىل ەلەكتروساموكات قاتىسقان ادام ٶلٸمٸمەن اياقتالعان العاشقى جول-كٶلٸك وقيعاسى.
