Aqyn arnaiy baspasóz kontserentsiiasyn uiymdastyryp, partiia quratynyn jariialady. Ol partiiasyn «Qazaqstan halyq kongresi» atamaq, dep habarlaidy Ulysmedia.kz.
«Halyq monotildi. Qazaq nemese tek ýkrain, orys tilinde bola almaimyz. Biz sovet odaǵy kezinde monotildi memleket retinde qalyptasyp qoidyq. Óz oiymyzdy qazaq tilinde de, orys tilinde de jetkize alamyz. Sol sebepti osy tilderdiń birin shekteýge bolmaidy. Bul ziian. Biz qazir Ýkrainada ne bolyp jatqanyn kórip otyrmyz. Onda darynsyz saiasatkerler bir til retinde ýkraindy bekitti de, aqyry Ýkraina óziniń memlekettigin joǵaltyp aldy», - deidi Oljas Súleimenov.
Partiia qurǵysy keletin Oljastyń oń jaǵynda «Habar» arnasyn basqarǵan Erlan Bekqojin, al sol jaǵynda depýtat bolǵan Omarhan Óksikbaev otyr.
Jalpy «Qazaqstan halyq kongresi» partiiasy 1991 jyly qazanda qurylǵan. Iaǵni bul joly Oljas Súleimenov ony jandandyrǵaly otyr. Áý basta olar ózin liberaldy-demokratiialyq saiasi qozǵalys retinde kórsetti. Onyń teń tóraǵalary aqyn Muhtar Shahanov pen Oljas Súleimenov boldy. 1993 jyly Shahanov partiiadan shyǵyp, Qyrǵyzstandaǵy elshi atandy. 1995 jyly Súleimenov Italiiaǵa Qazaqstannyń elshisi bolyp ketti de, partiia saiasi sahnadan birte-birte joǵalyp ketken. 2022 jyldyń aqpan aiynyń sońynda Súleimenov «Qazaqstan halqy kongresi» qozǵalysynyń jandanatynyn jariialady.
