Bas prokýratýra qylmystyq isterdi kassatsiialyq tártippen qaita qaraý kezinde kámeletke tolmaǵandarǵa qatysty birneshe qylmystyń durys saralanbaǵanyn anyqtady, dep habarlaidy ult.kz.
Máselen, J. esimdi azamat 9 jastaǵy qyzǵa qatysty áreketi úshin bastapqyda «azǵyndaý» baby boiynsha sottalǵan. Prokýrorlardyń narazylyǵynan keiin is qaita qaralyp, er adam jynystyq sipattaǵy zorlyq-zombylyq áreketteri úshin ómir boiyna bas bostandyǵynan aiyryldy.
Osyǵan uqsas ister boiynsha taǵy 8 adamǵa qatysty sot aktileriniń kúshi joiylyp, ister qaita qaraýǵa jiberildi.
Sonymen qatar birqatar protseste aiyptalýshylardyń qorǵaý quqyǵy buzylǵany anyqtalǵan.
Kassatsiialyq tártippen qaralǵan ister aiasynda memleketke keltirilgen zalaldy óteý máselesi de sheshildi. Prokýrorlardyń narazylyǵynan keiin zańsyz oiyn biznesinen túsken 2,8 mlrd teńge memleket kirisine óndirildi. Taǵy tórt is boiynsha 141 mln teńge qaitaryldy.
