9 ret urlyq jasaǵan ury jábirlenýshilermen tatýlasý arqyly bostandyqta júrgen. Bul týraly QR Bas prokýrorynyń orynbasary Marat Ahmetjanov aitty, dep habarlaidy QazAqparat.
«Isterdiń basym bóligi úkim shyǵarylýmen aiaqtalyp, qylmyskerler jasaǵan áreketi úshin shynaiy jaza alady. Máselen, azamat Begalin 2019 jyly 9 ret urlyq jasaǵan. Onyń úshinde 4 ret úige urlanyp kirip, qylmys jasaǵany anyqtaldy», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, qylmysker joǵaryda atalǵan barlyq qylmysy úshin zardap shegýshilermen tatýlasý arqyly bostandyqta qalyp otyrǵan.
«Degenmen, osy jyldyń aqpanynda ol dúkenge kirip kezekti ret urlyq jasaǵany úshin ustalyp, tutqynǵa alyndy jáne bas bostandyǵynan aiyrýǵa sottaldy. Buǵan qosa, jasalǵan aýyr qylmystar barlyq ýaqytta quqyq qorǵaý organdary basshylarynyń erekshe baqylaýynda tur. Olardy tájiribeli qyzmetkerler tergeidi», - dedi Bas prokýrordyń orynbasary.
