Foto:Sputnik / Abzal Kaliev
2024 jylǵy 1 qańtardan bastap Memleket basshysynyń tapsyrmasy boiynsha ziiandy eńbek jaǵdailarynda jumys isteitin qyzmetkerlerdiń áleýmettik turǵyda qorǵalýyn arttyrý jónindegi júieli sharalardy iske asyrý úshin Qazaqstanda arnaiy áleýmettik tólem engizildi, -dep habarlaidy "Ult Aqparat".
Arnaiy tólemdi taǵaiyndaý úshin 55 jasqa tolýy jáne BJZQ-da keminde 7 jyl mindetti kásiptik zeinetaqy jarnalarynyń bolýy mindetti shart bolyp sanalady.
Búgingi tańda ziiandy eńbek jaǵdailarynda uzaq ýaqyt jumys istegen 9145 azamatqa 1,7 mlrd teńge somasyna arnaiy áleýmettik tólem taǵaiyndaldy.
• Tólem 4 kózden – respýblikalyq biýdjetten, Biryńǵai jinaqtaýshy zeinetaqy qorynan, jumys berýshiden jáne ómirdi saqtandyrý kompaniiasynan júrgiziledi.
Arnaiy tólem taǵaiyndaýǵa ótinish bildirgenderdiń eń kóbi Qaraǵandy (1696 adam), Qostanai (1180 adam), Shyǵys Qazaqstan (1132 adam), Pavlodar (1015 adam), Aqtóbe (599 adam), Aqmola (566 adam) jáne Abai oblystarynda (505 adam) tirkeldi.
Arnaiy tólemniń ortasha mólsheri shamamen 208 myń teńgeni quraidy. Qyzmetkerler jalaqyny da, arnaiy tólemdi de alýdy jalǵastyra otyryp, densaýlyqqa ziiany az jumysqa aýysa alady, nemese olar zeinetaqy taǵaiyndalǵansha tólem ala otyryp, demalysqa shyǵa alady.
Arnaiy tólem zeinet jasyna deiin beriledi. Zeinetkerlikke shyqqannan keiin atalǵan adamdarǵa BJZQ-dan tólenetin tólemderge qosymsha memlekettik bazalyq jáne yntymaqty zeinetaqy taǵaiyndalatyn bolady.
