Qazgidromet 9 qazanǵa arnalǵan aýa raiy boljamyn jariialady, dep habarlaidy "Ult aqparat".
Qazaqstannyń basym bóligi antitsiklonnyń yqpalynda bolady, soǵan bailanysty jaýyn-shashynnyń birtindep toqtaýy kútiledi.
Tek Qazaqstannyń shyǵysynda, ońtústik-shyǵysynda jáne ortalyǵynda atmosferalyq fronttardyń ótýimen jańbyr jáne qar túrinde jaýyn-shashyn kútiledi. Respýblikanyń kei jerlerinde tuman, jeldiń kúsheiýi, kóktaiǵaq bolady.
Shyǵys Qazaqstan oblysynyń kei jerlerinde tuman, kóktaiǵaq, jaiaý burqasyn kútiledi, jel 15-20 m/s deiin kúsheiedi. Soltústik Qazaqstan oblysynyń kúndiz kei jerlerinde tuman kútiledi, jel 15-20 m/s deiin kúsheiedi.
Qaraǵandy oblysynyń kei jerlerinde 15-20 m/s deiin jeldiń kúsheiýi kútiledi, túnde kei jerlerinde tuman, kóktaiǵaq kútiledi. Túrkistan, Qyzylorda oblystarynyń kei jerlerinde jeldiń jyldamdyǵy 15-20 m/s deiin jetedi.
Túrkistan oblysynyń túnde kei jerlerinde tuman kútiledi. Jambyl oblysynyń kei jerlerinde tuman kútiledi, túnde jáne tańerteń jel 15-20 m/s deiin kúsheiedi. Aqmola oblysynyń túnde jáne tańerteń kei jerlerinde tuman túsedi.
Almaty, Jambyl, Túrkistan, Qyzylorda oblystarynyń túnde kei jerlerinde túnde 1-5 gradýs úsik kútiledi.
