«Almaty» telearnasynda 9-11 synyp mektep túlekteri úshin baǵdarlamalyq materialdy sapaly igerý maqsatynda jaratylystaný, matematikalyq baǵyttaǵy sabaqtar kórsetiledi. Bul týraly qalalyq bilim basqarmasynyń basshysy Lázzat Jylqybaeva aitty, dep habarlaidy "Ult aqparat".
«IV toqsannyń basynan bastap birinshi synyptan 11 synypqa deiingi oqýshylarǵa aptasyna 5 kún «Balapan» jáne «Elarna» telearnalarynda sabaqtar kórsetiledi. Sonymen qatar, «Almaty» telearnasynda 9-11 synyp mektep túlekteri úshin baǵdarlamalyq materialdy sapaly igerý maqsatynda jaratylystaný, matematikalyq baǵyttaǵy sabaqtar kórsetiledi. Bul sabaqtar kún saiyn «Almaty» telearnasynda saǵat 11.00-13.00 aralyǵynda efirge shyǵyp otyrady. Sabaqty tájirbieli muǵalimder eki tilde ótkizedi», - deidi basqarma basshysy.
Búgin qalanyń barlyq mektepterinde synaq sabaǵy ótkizildi.
«Bul sabaqtyń negizgi maqsaty – júieniń qalai jumys isteitinin bilý, olarmen bailanys ornatýǵa, testileýge, júieniń jumysymen tanysýǵa daiyndyq. Erteń, 2 sáýir kúni ata-analar jinalysy ótedi. 3 sáýirde oqýshylarǵa synyp saǵattary júrgiziledi», - dedi ol.
Buǵan deiin, Almaty qalasynyń ákimi muǵalimder men mektep oqýshylaryna 10 myńnan astam kompiýter bólingenin aitqan bolatyn.
Sonymen qatar, almatylyq oqýshylar qashyqtan eki aýysymda oqidy.
