Sýret: ashyq derekkóz
Qostanai qalasynyń №2 sotynda Qnet qarjy (investitsiialyq) piramidasynyń qurylymdyq bólimshesine basshylyq etti dep aiyptalýyshynyń isi qaraldy – oǵan sot 6 jyl merzimge bas bostandyǵynan aiyrý túrindegi jaza taǵaiyndady, dep habarlaidy "Ult aqparat" qalalyq sotqa silteme jasap.
Sot jariialaǵan aqparat boiynsha, Qostanai qalasynyń №2 sotynda QK-niń 217-baby 3-bólimi 2) tarmaqshasy boiynsha "Qnet" qarjy (investitsiialyq) piramidasynyń qurylymdyq bólimshesine basshylyq etkeni úshin, atap aitqanda Qostanai oblysynyń aýmaǵynda jeke tulǵalardyń aqshasyn tartýdan túsken qarajatty, osy aktivterdi qaita bólý jolymen qabyldanǵan mindettemelerdi qamtamasyz etetin kásipkerlik qyzmetke tartylǵan qarajatty paidalanbai jeke tulǵalardyń aqshasyn erekshe iri mólsherde tarta otyryp, basqalardyń jarnalary esebinen keibir qatysýshylardy baiytý arqyly qabyldanǵan mindettemelerdi qamtamasyz etý boiynsha iske jetekshilik jasaý boiynsha is qaraldy.
"2017 jyldyń tamyzy men 2022 jyldyń qyrkúiegi aralyǵynda Qostanai oblysynyń aýmaǵynda búkil álem boiynsha túrli ónimdermen internet-saýdamen ainalysatyn QNet halyqaralyq kompaniiasynyń táýelsiz ókili bolyp tirkelip, qarjy piramidasynyń qurylymdyq bólimshesin basqardy, ony jarnamalaýǵa baǵyttalǵan is-qimyldardy úilestirdi, azamattardy qarjy piramidasyna qatysýǵa aldamshy jolmen tartyp, olarǵa ekinshi deńgeidegi bankterden nesie alýǵa kómek beredi", - delingen habarlamada.
Sotta onyń QNet kompaniiasyna jalpy somasy 86 mln teńgeden asatyn 94 azamattyń jinaqtaryn tartqany málim boldy.
Sotta sottalýshy I. kinásin moiyndamady jáne ony aqtaýdy ótindi.
Sot qylmystyq jaýaptylyq pen jazany jeńildetetin jáne aýyrlatatyn mán-jailardy anyqtaǵan joq.
"Sottalýshynyń jeke basyn, uzaq ýaqyt boiy jasalǵan jáne ózi ótemegen 94 jábirlenýshige materialdyq zalal keltirgen is-árekettiń sipaty men qoǵamdyq qaýiptilik dárejesin eskere otyryp, sot I.-ǵa qarjy, kommertsiialyq jáne kommertsiialyq emes uiymdarda 5 jyl merzimge basshylyq laýazymdardy atqarý quqyǵynan aiyra otyryp, 6 jyl merzimge bas bostandyǵynan aiyrý túrindegi jazany taǵaiyndady", - delingen sot habarlamasynda.
Úkim zańdy kúshine engen joq.
