Álemniń biraz elin velosipedpen aralaǵan jihankez Keńesbek Seidimbek Qajymuqan atyndaǵy oblystyq sport mýzeiine qundy jádiger tartý etti, dep habarlaidy QazAqparat.
65 jyl boiy janyna serik etken velosipedin mýzeiine tapsyryp, pikir kitabyna estelik qaldyrdy.
Aita keterligi, qorǵa ótkizilgen velosipedpen sportshy buǵan deiin qasietti Mekke men Mádinaǵa, Aýǵanstan, Resei, Ózbekstan elderine barǵan. Endi bul velosiped qundy jádiger retinde jurtshylyq nazaryna usynylatyn boldy.
El Táýelsizdiginiń 30 jyldyǵy jáne Qajymuqan Muńaitpasulynyń 150 jyldyǵy aiasynda uiymdastyrylǵan shara barysynda mýzei ujymy 81 jastaǵy ataqty saiahatshyǵa qurmet kórsetti.
