Ulttyq qaýipsizdik komiteti Qytaiǵa kiik múiizin zańsyz ótkizýmen ainalysqan qylmystyq topty ustady, dep habarlaidy "Ult aqparat" vedomstvonyń resmi saityna silteme jasap.
8 shildede UQK Almaty oblysy boiynsha departamenti shekara qyzmetiniń departamentimen birlesip, kiik múiizin zańsyz óndirý jáne Qazaqstannan Qytaiǵa kontrabanda arnasyn uiymdastyrýǵa qatysy bar qylmystyq toptyń zańsyz áreketiniń jolyn kesý boiynsha arnaiy operatsiia júrgizdi.
Derivattardyń iri partiiasyn shetelge shyǵarýdy uiymdastyrmaqshy bolǵan qylmystyq shemanyń uiymdastyrýshysy men qatysýshylary ustaldy.
Jalpy salmaǵy 700 kilogramm bolatyn 3144 kiik múiizi tárkilendi.
Brakonerlik áreketten Qazaqstandaǵy kiik popýliatsiiasyna aitarlyqtai ziian kelgen.
Qazirgi ýaqytta onyń sany - shamamen 800 myń bas.
QR QK 339-babynyń 2-bóligi («kiikti zańsyz qolǵa túsirý, joiý, sol siiaqty zańsyz qolǵa túsirilgen kiikti nemese onyń derivattaryn, onyń ishinde múiizderin iemdený, saqtaý, ótkizý, ákelý, áketý, jóneltý, tasymaldaý») boiynsha sotqa deiingi tergeý júrip jatyr.
Onyń sheńberinde qylmystyń ózge de qatysýshylaryn anyqtaý, figýranttarda kiik múiizderiniń qosymsha partiialarynyń bar bolýy boiynsha tergeý jáne jedel is-sharalar kesheni jasalady.
