Amerikanyń Michigan shtatynyń 54 jastaǵy turǵyny Filip Chippeva lotereiadan 80 mln dollar utyp aldy, dep habarlaidy Fox News.
«Chippeva lotereia biletterin jii satyp alyp júrgen. Biraq sońǵy ret alǵan biletin óziniń júk kóliginde qaldyryp ketken. Keiin oǵan kelini habarlasyp, utysty bilet Chippevanyń óńirinde ekenin habarlaǵan. Ol sol kezde ǵana áieli ekeýi biletti teksergen», - dep jazady basylym.
Utys iegeri biletti tekserip, 80 million dollar utyp alǵanyn bilgende kózine jas alǵanyn aitty. Salyq tólegennen keiin ol qolyna 42 million dollar alady.
«7 balasy, 21 nemeresi bar Chippeva eń aldymen, úi, mototsikl jáne avtokólik alýdy josparlap otyr. Ol bailyq ony ózgertpeitinine senimdi», dep jazady basylym. Avtordyń aitýynsha, Chippeva áli de jumysqa baryp júr jáne bastyǵy odan ne úshin kelgenin kúnde suraityn kórinedi.
