Foto: Pexels.com
Almaty qalasynyń Tótenshe jaǵdailar departamenti 8 jeltoqsan kúni qalada jáne onyń taýly aýmaqtarynda qolaisyz aýa raiy kútiletinin habarlady.
Sinoptikterdiń boljamynsha, taýly aimaqtarda qalyń qar jaýyp, kóktaiǵaq túziledi. Qala ishinde tuman túsip, aýa temperatýrasy tómendep, joldarda da kóktaiǵaq bolýy múmkin.
Qutqarýshylar turǵyndardy aýa raiyna sáikes saqtyq sharalaryn saqtaýǵa shaqyrdy.
TJD usynymdary:
-
Jolǵa shyǵar aldynda baǵytyńyzdy muqiiat josparlap, aýa raiy jaǵdaiyn eskerińiz;
-
Taýly aimaqtarǵa serýendeýdi keiinge qaldyryńyz;
-
Avtokólikti aǵashtardyń astyna, sondai-aq qurylysy aiaqtalmaǵan nysandardyń janyna qoimańyz;
-
Sýyq aýa raiynda jylý júieleriniń qaýipsiz jumysyn tekserip, murjanyń tartýyn qadaǵalańyz;
-
Elektr jelilerin shamadan tys júktemeýge keńes beriledi.
TJD mamandary turǵyndardyń qaýipsizdigin qamtamasyz etý – basty maqsat ekenin aityp, aýa raiynyń kúrt ózgerisine bailanysty abai bolýǵa shaqyrdy.
