Sinoptikter 8 sáýir kúni el aýmaǵynda aýa raiy qandai bolatynyn jariialady, dep habarlaidy "Ult aqparat" «Qazgidrometke» silteme jasap.
QR basym bóliginen atmosferalyq fronttardyń ótýine bailanysty turaqsyz aýa raiy saqtalady.
Respýblikamyzdyń kei jerlerinde jaýyn-shashyn jaýady, tek ońtústikte jáne ońtústik-batysta jáne ortalyqta jaýyn-shashyn jaýmaidy.
Kei jerlerde tuman túsip, jel kúsheiedi, soltústikte kóktaiǵaq bolady.
Soltústik Qazaqstan oblysynyń kei jerlerinde tuman túsedi, kóktaiǵaq bolady. Kúndiz kei jerlerde jel ekpini - 15-20 m/s.
Aqmola, Jambyl, Batys Qazaqstan, Qostanai, Pavlodar, Qaraǵandy, túnde jáne tańerteń Aqtóbe oblysynyń kei jerlerinde tuman túsedi.
Batys Qazaqstan, Qostanai, kúndiz Jambyl oblysynyń kei jerlerinde jel qarqyny 15-20 m/s deiin kúsheiedi.
