Foto: Shutterstock
QMA BQO boiynsha departamenti qarjy piramidasyn basqarý deregi boiynsha Chia Tai Pharmaceutical kompaniiasynyń ókilderine qatysty sotaldy tergeýdi júrgizip jatyr, - dep habarlaidy "Ult aqparat" Qarjylyq monitoring agenttigine silteme jasap.
Bul kompaniia ózin investitsiialyq uiym retinde kórsetip, joǵary jáne turaqty tabys ákelýge ýáde bergen. Sonymen qatar «Chia Tai Pharmaceutical» jeke tulǵalardan aqshany alyp, kásipkerlik qyzmetke paidalanbai, qatysýshylar arasynda qaita bólgen.
"Keltirilgen shyǵyn kólemi búginde 769 million teńgeden asady.
Qazirgi ýaqytta qarjy piramidasyn uiymdastyrdy degen kúdikti ustalyp, sot sanktsiiasymen eki ai merzimge qamaýǵa alyndy", - delingen habarlamada.
Sotqa deiingi tergeý jalǵasyp jatyr. QR QPK 201-babyna sáikes ózge aqparat jariia etýge jatpaidy.
"Eger siz jáne sizdiń jaqyndaryńyz qarjy piramidasynyń qyzmetine tap bolsa, turǵylyqty jerińiz boiynsha ekonomikalyq tergeý departamentine habarlasýyńyzdy suraimyz. Azamattardy qyraǵy bolýǵa jáne jinaqtaryn kúmándi qarjy institýttaryna salmaýǵa shaqyramyz.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi", - delingen agenttik habarlamasynda.
